Улуу Ата Мекендик согуштун 75-жылдыгын майрамдоо боюнча кабыл алынган иш-чаралар планын ишке ашыруу максатында, Элчилик кыргыз аскери М.Салакуновдун коюлган жерин аныктоо жана аты жөнүн боордош көрүстөнүнө кошуу маселеси он тарапка иштелип чыккан.

2020-жылдын 12-мартында Кыргыз Республикасынын Украинадагы Атайын жана Ыйгарым укуктуу Элчиси Ж.Шарипов боордош көрүстөнгө М.Салакуновдун атын коштуруу боюнча салтанаттуу аземине катышып, көрустөнгө гул чамбар коюп, согуш убагында каза болгон жалпы кыргыз жарандарына куран окуду.

Өзүнүн саламдашуу сөзүндө Элчи Улуу Ата Мекендик согушта курман болгон жарандарды эскерип, алардын аттарын түбөлүккө калтыруу вазийпасын аткаруу керек экендигин баса белгиледи.

Иш-чарага Изюм районунун жетекчиси Л.Шамрай, Харьков областынын областтык кеңешинин Депутаты В.Исмаилов, Долгонькое айылынын жетекчиси В.Карамушко, айылдын тургундары, окуучулар жана Харьков областында жашаган кыргыз жарандары катышышты.

Элчи Ж.Шарипов мектептин музейин коруп, окуучуларга украин тилине которулуп жана чыгарылган “Манас” эпосун, кыргыз эл жомокторун, Ч.Айтматовдун чыгармаларын белекке тартуулады.