2019-жылдын 26-ноябрында Кыргыз Республикасынын Украинадагы Атайын жана Ыйгарым укуктуу Элчиси Жусупбек Шарипов “БУУ Аялдар” уюмунун Украинадагы өлкө өкүлү катары эмгектенген Кыргыз Республикасынын жараны Анастасия Дивинская айымды анын иштөө мөөнөтүнүн аякташына байланыштуу кабыл алды.

  Жолугушуунун учурунда А.Дивинская Элчи Ж.Шариповго Украинадагы ишмердүүлүгү жана өлкө өкүлү катары жетишкендиктери жөнүндө баяндап берип, ошондой эле, Бразилияга өлкө өкүлү катары ошол эле уюмга кызматка дайындалгандыгын маалымдады.

        Элчи Ж.Шарипов А.Дивинскаяга аткарган ак-ниет, таза иши үчүн ыраазычылыгын билдирип, ийгиликтерди каалады.