Кыргызстанда өлкөнүн 30дан ашык калктуу конуштарында жеңилдетилген салык салынуучу өнөр жай түрлөрүнүн преференциалык тизмеси бар.

Тизмеге төмөнкүдөй чөйрөлөрдө өнөр жай ишинин түрлөрү кирет:

— жеңил жана тамак-аш өнөр жайы;

— электр энергетикасы;

— айыл чарба продукциясын кайра иштетүү;

— жыйноо өндүрүшү;

— инновациялык технологияларга негизделген өнөр жай өндүрүшүнүн бардык түрлөрү;

— экспортко багытталган ар кандай өндүрүш.

Ошондой эле ишмердүүлүгү жеңилдетилген өнөр жай ишмердигинин категориясына кирген жаңыдан түзүлгөн ишканаларды мүлк салыгы, жер салыгы, киреше салыгы жана сатуудан алынуучу салыктан бошотуу каралган. Кошумчалай кетсек, киреше салыгынын ставкасы 5% өлчөмүндө белгиленген.

Кыргызстанда 2022-жылдын башынан бери жаңы Салык кодекси иштеп жатат, ал салыктык башкарууну оптималдаштырууга, салык системасынын туруктуулугун камсыздоого, салык процедураларын санариптештирүүнү андан ары өркүндөтүүгө, бизнес жүргүзүү үчүн бирдей шарттарды түзүүгө, экономиканын көмүскө компонентин жоюуга жана салык отчеттуулугун жөнөкөйлөтүүгө багытталган.

Салык кодексине ылайык, төмөнкү тарифтер белгиленет:

- КНС - 0% жана 12%;

- Сатуудан алынуучу салык - 1%дан 5%ке чейин;

- Киреше салыгы - 10%.

Жаңы Салык кодекси төмөнкүлөрдү камтыйт:

- тигүү, зергерчилик, авиация өнөр жайынын субъекттери үчүн салыктык жеңилдиктер, ошондой эле электромобилдерди жана электроавтобустарды өндүрүү үчүн беримдерге КНСтен бошотуулар;

- жогорку технологиялар паркынын резидентинин иши киреше салыгынан, сатуудан түшкөн салыктан, кошумча нарк салыгынан бошотулат. Бул бошотууларды программалык камсыздоону иштеп чыгуучу, ошондой эле маалыматтык технологияларды экспорттоочу субъект алат;

- эркин экономикалык аймактын субъектинин иши салыктын бардык түрлөрүнөн бошотулат;

- тоо-кен салыгы киреше салыгынан, кошумча нарк салыгынан жана сатуудан алынуучу салыктан бошотууларды карайт.

Чет элдик инвестор үчүн салык жеңилдиктеринин жалпы саны 107ге жакын жеңилдиктерди түзөт.

Презентация