2019-жылдын 28-майында Кыргыз Республикасынын Украинадагы Элчилиги Кыргыз Республикасынын Тышкы иштер министрлигинин К.Дыйканбаев атындагы дипломатиялык академиясынын жана Украинанын Тышкы иштер министрлигинин Г.Удовенко атындагы дипломатиялык академиясынын ортосундагы өз ара түшүнүшүү жөнүндөгү Меморандумга кол коюу аземине катышты.

Кыргыз тараптан меморандумга Кыргыз Республикасынын Тышкы иштер министрлигинин К.Дыйканбаев атындагы дипломатиялык академиясынын Ректору Ч.Адамкулова, украин тараптан меморандумга Украинанын Тышкы иштер министрлигинин Г.Удовенко атындагы дипломатиялык академиясынын Ректору С.Корсункий кол койду.

Меморандумда биргеликте кеңешмелерди жүргүзүү, окутуучулар жана чет өлкөдөгү өкүлчүлүктөрдүн кызматкерлеринин тажрыйба алмашуусу, маалымат алмашуусу жана ар түрдүү семинар, тренингтерге катышуусу каралган.