Кыргыз Республикасынын жарандарына, чет өлкөлүк жарандарына жана жарандыгы жок адамдарга карата COVID-19 коронавирустук инфекцияны ташып келүүсүн жана таралышынын алдын алуу боюнча иш-аракеттердин Алгоритмине өзгөртүүлөр киргизилди (мындан ары - Алгоритм).

Ошентип, Алгоритмде төмөнкү өзгөртүүлөр киргизилген:

• ПЦР тестинен өтүү үчүн сертификаттын же COVID-19 коронавирустук инфекциясына каршы вакцинаны алгандыгын тастыктаган документтин (кагаз же санарип форматында) болушу талабы ата-энелеринин (мыйзамдуу өкүлдөрү) коштоосунда 12 жашка чыга элек балдарга жайылтылбайт;
• жүргүнчүлөрдө жана экипаж мүчөлөрүндө клиникалык көрүнүштөр (температура, жөтөл ж. б.) аныкталганда аэровокзалдык комплексте COVID-19га экспресс-тестирлөө жүргүзүлөт;
• ПЦР-тесттин колдонуу мөөнөтү (72 саат) учуу жана авиа каттамдардын кармалышына байланыштуу объективдүү себептер боюнча бүткөн учурда жүргүнчүлөр экспресс-тестирлөөдөн өтүүгө милдеттүү.

Ошону менен бирге, мурдагыдай эле, чет өлкөлүк жарандар жана жарандыгы жок адамдар Кыргыз Республикасына кирүү үчүн тандалып алынган учурдан тартып өлкөгө келгенге чейин акыркы 72 сааттын ичинде жүргүзүлгөн ПЦР-тесттин жыйынтыгын көрсөтүү зарыл экендигин белгилейбиз. Төмөндө Кыргыз Республикасында таанылган сертификаттары бар өлкөлөрдүн тизмесин караңыз.

Жогоруда аталган талаптар Кыргыз Республикасынын аймагында аккредиттелген дипломатиялык өкүлчүлүктөрдүн кызматкерлерине жана эл аралык уюмдардын кызматкерлерине да жайылтылат.

Бул талаптар төмөнкүлөргө жайылтылбайт:

• Кыргыз Республикасынын Тышкы иштер министрлигинин жана башка компетенттүү мамлекеттик органдарынын чакыруусу боюнча келген чет мамлекеттердин жана эл аралык уюмдардын делегацияларынын мүчөлөрү;
• аба кемелеринин экипаждары;
• ата-энелеринин (мыйзамдуу өкүлдөрүнүн) коштоосунда 12 жашка чейинки балдар;
• Кыргыз Республикасына жиберилген шайлоо процессине эл аралык байкоочулар.

Жогорудагы талаптар 2022-жылдын 1-мартынан тартып күчүнө кирет.

 Кыргыз Республикасында таанылган чет мамлекеттердин жана эл аралык уюмдардын эмдөө сертификаттары

 

1	Австралия Бирлиги
2	Германия Федеративдик Республикасы
3	Казакстан Республикасы
4	Корея Республикасы
5	Катар Мамлекети
6	Улуу Британия жана Түндүк Ирландия Бириккен Королдугу
7	Өзбекстан Республикасы
8	Израиль Мамлекети
9	Америка Кошмо Штаттары
10	Румыния
11	Грузия
12	Индия
13	Россия Федерациясы
14	Польша Республикасы
15	Бириккен Араб Эмираттары
16	Сауд Аравия Падышалыгы
17	Түркия Республикасы
18	Швейцария Конфедерациясы
19	Сан-Марино Республикасы
20	Франция Республикасы
21	Австрия Республикасы
22	Ватикан шаар-Mамлекети
23	Палестина Мамлекети
24	Индия Республикасы
25	Аргентина Республикасы
26	Украина
27	Мальдив Республикасы
28	Бельгия Падышалыгы
29	Монголия
30	Нидерланды
31	Марокко Падышалыгы
32	Кувейт Мамлекети
33	Азербайжан Республикасы
34	Камбоджа Падышалыгы
35	Эстон Республикасы
36	Черногория Республикасы
37	Япония
38	Чехия
39	Европа Бирлиги
40	Бириккен Улуттар Уюму