2020-жылдын 5-сентябрында Болгария Республикасынын Пловдив областынын Калофер шаарында “Калоферовы Хайдуты” Ассоциациясы тарабынан уюштурулган жыл сайын өткөрүлүп турчу “Калоферовы Хайдуты” аттуу байыркы болгарлардын каада-салтын, үрп-адатын, маданиятын даңазалаган иш чара болуп өттү.

Үстүбүздөгү жылы аталган иш-чарага Болгарияда жашап жаткан мекендештерибиз, так айтканда Ангеловдордун үй-бүлөсү катышып, конокторго улуттук кыргыз ат үстүндөгү оюндарын: “Кыз куумай”, “Улак Тартыш” жана кыргыздын улуттук кийим-кечесин дагы көргөзүштү.

Биздин мекендештер Кыргыз Республикасынын Эгемендүүлүгүнүн 29-жылдыгына карата бул оюндарга катышып, Болгариянын калкына кыргыз маданиятын тартуулашкан.

Элчилик Болгариянын аймагында жашап жаткан кыргыз жарандары менен биргеликте мындан ары дагы кыргыз маданиятын тааныткан жана кыргыз-болгар мамилелерин илгерлетүүгө багытталган иш-чараларга катышмакчы.