Малайзиядагы Кыргыз Републикасынын Элчилигинин консулдук бөлүмү өзүнүн ыйгарым укуктарынын алкагында Кыргыз Республикасындагы укуктук аракеттерди ишке ашырууда нотариалдык иш- аракеттерди жүргүзөт.

         Нотариалдык иш-аракеттерди аткаруу үчүн арыз берүүчү өзү келип төмөнкү зарыл болгон документтерди тапшырууга тийиш:

1. Малайзиядагы Кыргыз Републикасынын Элчилигинин атына ишеним катты тариздөө тууралуу же аты-жөнүн, жашаган жерин, электрондук дарегин, телефон номерин көрсөтүү менен арызды тариздөө тууралуу арыз;
2. Жалпы жарандык паспорттун;
3. Арыз берүүчүнүн жана ишенимдүү адамдын ички ID картасынын (эки тараптыкы) көчүрмөлөрү;
4. Документтин түрүнө жараша төмөнкүлөр берилет::
   - жашы жетпеген баланы чет өлкөгө коштоп барган учурда туулгандыгы тууралуу күбөлүктүн көчүрмөсү жана баланын жалпы жарандык паспортунун көчүрмөсү.
   - кыймылсыз жана кыймылдуу мүлктү башкаруу укугу болгон учурда-укук белгилөөчү документтин көчүрмөсү (техпаспорт, үй китеби, автомашинанын техпаспорту, сатып алуу-сатуу келишими ж.б.).
5. Консулдук акы 10 АКШ долларын түзөт.

Маанилүү маалымат:

Арыз ээлерине ыңгайлуу болушу үчүн ишеним катка арыздарды алгачкы кабыл алуу жана ишеним каттын текстин алдын ала макулдашуу үчүн kgembassy.my@mfa.gov.kg электрондук почтасы аркылуу жүргүзүлөт, ошондой эле документтин келүү жана кол коюу датасы, убактысы белгиленет.