Кыргыз Республикасынын Эгемендүүлүгүнүн 30-жылдыгына карата, Кыргыз Республикасынын Украинадагы Элчилиги Киев шаарындагы диаспора менен биргеликте мини-футболу, үстөл тенниси, улуттук оюндар жана ар түрдүү эстафеталар боюнча чоңдордун жана жаш өспүрүмдөрдүн арасында спорттук мелдеш өткөрдү.

Атайын жана Ыйгарым Укуктуу Элчи Ж.Шарипов өзүнүн саламдашуу сөзүндө Украинанын аймагында жашап жаткан Кыргыз Республикасынын жарандарын куттуктап, кыргыз мамлекеттүүлүгүнүн түптөлүшү тууралуу маалымдап, чет өлкөдө жашап жаткан кыргыз жарандарынын сыртта туруп өз өлкөсүнө кошкон салымы тууралуу айтып, ошондой эле, калктын жашоосун жакшыртуу максатында Өкмөт тарабынан жасалып жаткан иштер тууралуу баяндады.

Спорттук мелдештердин жыйынтыгы боюнча, жеңүүчүлөргө Кубок, медаль, дипломдор тапшырылып, жаш балдар сыйлуу белектер менен сыйланды. Ошондой эле, майрамды белгилөө максатында кыргыздардын кол өнөрчүлүгү боюнча жана Кыргызстандын кооз жерлери жөнүндө көргөзмөлөр уюштурулду.

Ал эми, Одесса шаарында кыргыз жарандары үчүн “Курманжан Датка” аттуу көркөм тасмасы көрсөтүлдү.

Бардык иш-чаралар эпидемиологиялык эрежелерди колдонуу жана кишинин санын чектөөлөр менен өткөрүлдү.