2021-жылдын 24-июнунда Кыргыз Республикасынын Женевадагы БУУдагы жана башка эл аралык уюмдардагы Туруктуу Өкүлү Алмазбек Бейшеналиев Эл аралык жарандык коргонуу уюмунун (ЭЖКУ) Башкы катчысы Мариату Яп айымга зыярат сапар менен барды.

А.Бейшеналиев ЭЖКУну 90-жылдык мааракеси менен куттуктап, жаратылыш жана техногендик кырсыктардан калкты коргоо жана жардам көрсөтүү жаатында уюмдун маанилүү иш-аракеттерин колдоп, Кыргызстандын Уюмдун алкагында жигердүү кызматташууга бекем ниеттенип жаткандыгына ишендирди.

Кыргызстандын Туруктуу өкүлү Кыргыз Республикасында дайвинг жана тоо кырсыгынан куткаруу курстарын үзгүлтүксүз уюштургандыгы үчүн ыраазычылыгын билдирип, ушул жылдын август айында кыргыз тарап бул курстарды уюштурууга даяр экендигин белгиледи.

Өз кезегинде ЭЖКУнун Башкы катчысы Мариату Яп айым А.Бейшеналиевди Кыргызстандын жаңы туруктуу өкүлү катары биринчи иш сапары менен тосуп алды жана Уюмдун кыргыз өнөктөштөрү менен өз ара аракеттенүүнү активдештирүүгө умтулгандыгын баса белгиледи.

Жолугушуунун жүрүшүндө тараптар Кыргызстанда гуманитардык жардам көрсөтүү боюнча аймактык Борборду ачуу боюнча кызматташууга даяр экендиктерин билдиришти.

 

Маалымат: Эл аралык жарандык коргонуу уюму өкмөттөр аралык уюм болуп саналат, анын максаты мамлекеттерге калкты коргоону жана жардам көрсөтүүнү, ошондой эле табигый жана техногендик кырсыктардын алдында менчикти жана айлана-чөйрөнү коргоону камсыз кылуучу түзүмдөрдү түзүүгө жардам берүү болуп саналат. Бул түзүмдөр адатта жарандык коргонуу, жарандык коргонуу, жарандык коопсуздук деп аталат жана алардын бардыгы өзгөчө кырдаалдарды башкаруу менен байланышкан. ЭЖКУ ушул максатта мамлекеттер тарабынан түзүлгөн улуттук түзүмдөрдү бириктирип, алардын ортосундагы кызматташтыкты жана өз ара тилектештикти өнүктүрүү максатын көздөйт