Нотариалдык иш-аракеттер
Нотариалдык иш-аракеттер арыз ээсинин жеке катышуусунда жана төмөнкү документтерди берүү менен жүргүзүлөт:
1. Кыргыз Республикасынын жаранынын паспорту (жалпы жарандык паспорт же ID карта).
2. Ишенимдүү адамдын паспортунун көчүрмөсү.
Документтин түрүнө жараша төмөнкүлөр берилет:
- жашы жете элек баланы чет өлкөдө коштоп жүргөн учурда туулгандыгы тууралуу күбөлүктүн көчүрмөсү жана баланын жалпы паспортунун көчүрмөсү;
- кыймылсыз же кыймылдуу мүлктү башкарууга укуктарды ишенип тапшырган учурда - укук белгилөөчү документтин көчүрмөсү (каттоо күбөлүгү, үйдүн реестри, транспорт каражатынын каттоо күбөлүгү, сатып алуу-сатуу келишими ж.б.).
Өзүнүн ыйгарым укуктарынын алкагында Кыргыз Республикасынын чет өлкөлөрдөгү мекемелери нотариалдык иш-аракеттерин тариздөөнү жана арыздарды күбөлөндүрүү боюнча ишеним каттарды жүзөгө ашырууга Кыргыз Республикасында атынан укуктуу.
Консул төмөнкүдөй нотариалдык иш-аракеттерди жүзөгө ашырат:
- Кыргыз Республикасынын аймагындагы кыймылсыз мүлктү ээликтен ажыратуу жөнүндө келишимдерден башка бүтүмдөрдү күбөлөндүрөт;
- мураска калтырылган мүлктү коргоого карата чараларды көрөт;
- мураскордукка укугу тууралуу күбөлүктөрдү берет;
- жубайлардын жалпы мүлкүндөгү үлүшкө менчик укугу тууралуу күбөлүктү берет;
- документтердин көчүрмөлөрүнүн жана алардын үзүндүлөрүнүн аныктыгын күбөлөндүрөт;
- документтерге коюлган колдун аныктыгын күбөлөндүрөт;
- документтердин бир тилден башка тилге которулушунун тууралыгын күбөлөндүрөт;
- жарандын тирүү болуу фактысын күбөлөндүрөт;
- жарандын белгилүү бир жерде болуу фактысын күбөлөндүрөт;
- жарандын фотосүрөт менен окшоштугун күбөлөндүрөт;
- документтерин көрсөткөн убактысын күбөлөндүрөт;
- акча суммаларын жана баалуу кагаздарды депозитке кабыл алат;
- аткаруу жазууларын жүзөгө ашырат;
- документтерди сактоого кабыл алат;
- далилдөөлөрдү камсыз кылат;
- деңиз протесттерин жасайт.
Кыргыз Республикасынын мыйзам актылары менен Кыргыз Республикасынын консулдук мекемелеринин кызмат адамдары жасай турган башка нотариалдык иш-аракеттер да каралышы мүмкүн.